ВИДЕО | Славната комичарка абортирала трипати како средношколка: Училиштето се срами од неа
Американската комичарка Челси Хендлер (47) тврди дека била исклучена од Куќата на славните на нејзиното средно училиште, поради нејзините јавни коментари за абортусот, пишува „Индепендент“.
Комичарката сподели дека имала три абортуси додека одела во средното училиште во Њу Џерси за време на нејзиниот монолог на водител во емисијата „Jimmy Kimmel Live!“.
Хендлер во понеделникот во емисијата, која ја води цела недела откако Кимел е на одмор, открила дека имала три абортуси додека одела во средно училиште во Њу Џерси.
„Дали знаете што имаат да кажат мажите на интернет за тоа?“, прашала таа во емисијата, во вторникот, за изјавата од претходниот ден.
„Нема да кажам бидејќи не ми е грижа“, рекла таа со аплауз од публиката. „Но, моето старо средно училиште го стори тоа“, продолжила Хендлер и рекла дека неодамна дознала дека нејзиното средно училиште „Ливингстон“ во Њу Џерси одбива да ја воведе во Куќата на славните на поранешни студенти.
.@ChelseaHandler’s high school won’t induct her into their alumni Hall of Fame… #Hall4Handler pic.twitter.com/36YLhO4l4S
— Jimmy Kimmel Live (@JimmyKimmelLive) June 29, 2022
„Очигледно, училиштето е вознемирено за тоа колку зборувам за моите абортуси, па одлучив да започнам масовна кампања“, истакнала комичарката и ја повикала публиката да напише во коментарите на Твитер, адресирајќи ги на училишниот одбор, да напишат што мислат за „неправдата“ што ѝ е направена.