Бет Мидлер бара да се забрани вијаграта: Ако бременоста е „Божја волја“, тогаш е и вашиот млитав пенис
Американската комичарка и актерка Бет Мидлер иронично повика на забрана на вијаграта во САД, по одлуката на Врховниот суд за забрана на абортусот во земјата.
„Време е да се забрани вијаграта. Затоа што ако бременоста е „Божја волја“, тогаш е и вашиот млитав пенис“, напиша Бет на „Твитер“, исмејувајќи ја логиката на судската одлука.
— bettemidler (@BetteMidler) June 27, 2022
Со неа се согласија и бројни следбеници. „Ова е најдоброто нешто што беше кажано“, додаде еден.
Мидлер, која треба да глуми во продолжение на „Hocus Pocus“ на „Дизни“ подоцна оваа година, претходно беше многу гласна во нејзиното несогласување со одлуката на Врховниот суд да го укине уставното право на американските жени на безбеден абортус.
По пресудата, Мидлер на Твитер напиша: „Тие го направија тоа. Ни го направија! Уставниот суд го поништи Роу против Вејд, вграден во Уставот како закон повеќе од 50 години. Како се осмелуваат? „Овој уставен суд е апсолутно глув за волјата, па дури и за реалните потреби на американскиот народ“, рече актерката.