ВИДЕО: Шведскиот атлетичар Дуплантис постави нов светски рекорд во скок со стап
Арманд Дуплантис продолжи да ги поместува границите и уште еднаш го собори светскиот рекорд во скок со стап што го држеше до сега. На митингот во Клермон, Франција, тој прескокна 6,22 метри и го подобри рекордот што претходно го држеше за еден сантиметар.
Шведскиот атлетичар ја надмина сопствената граница од соништата од шест метри и 21 сантиметар, која ја постави со освојувањето на светската титула во Орегон минатата година.
Во првиот обид Дуплантис прескокна 5 метри и 71 сантиметар, потоа отиде на 5 метри и 81 сантиметар и во вториот обид дојде до скок од 5 метри и 91 сантиметар, па запиша 6 метри и еден сантиметар веќе во првиот обид. Конечно и во третиот обид Дуплантис постави нов рекорд од 6 метри и 22 сантиметри.
🚨 WORLD RECORD 🚨
MONDO DUPLANTIS GOES 6.22M FOR THE POLE VAULT WORLD RECORD pic.twitter.com/4CxS1CWSsh
— Chris Chavez (@ChrisChavez) February 25, 2023
Швеѓанецот роден во САД го постави првиот од своите светски рекорди во февруари 2020 година, кога скокна 6,17 метри, надминувајќи го светскиот рекорд во 2014 година поставен од Рено Лавилени.
– Кога имате вакви моменти, кога енергијата е на својот врв и го напаѓате рекордот, се чувствувате како да левитирате. Имав чувство како моето тело да не ја допирало земјата во текот на целиот скок – вели Дуплантис.