3 C
Скопје

ВИДЕО: Што се случува со Арсенал, „волците“ го освоија Лондон!

Во последниот натпревар од саботната програма на 10 коло во Премиер лигата составот на Арсенал ги разочара своите фанови на домашен терен со поразот од Вулверхемптон (1:2).

На „Емирати“ стадионот популарните „волци“ благодарение на Португалците Нето и Поденс успеаја да ја забележат петтата победа сезонава.

Сите голови беа реализирани во првото полувреме, гостите поведоа со голот на Нето во 27 минута од средбата. Израмнија „топчиите“ само 180 секунди подоцна откако Вилијан убаво центрираше во противничкиот шеснаесетник, највисоко скокна Габриел и ја затресе мрежата на Патрисио.

Непосредно пред паузата (42`) Поденс искористи една одбиена топка, како и невниманието во одбраната на лондонскиот клуб, и го постави конечниот епилог на овој меч.

Прочитајте и...  Хелиос е првиот предизвик за МЗТ Скопје на турнирот во АБА2 лигата

Натпреварот го обележа и судирот помеѓу Давид Луиз (Арсенал) и Раул Хименез (Вулверхемптон), а подебелиот крај го извлече гостинскиот фудбалер кој со носилка беше изнесен од теренот и веднаш беше префрлен во болница. Информациите велат дека е свесен и е во добра состојба.

Арсенал нема пораз во Лига Европа и таму е веќе во нокаут-фазата, но играчите предводени од менаџерот Микел Артета никако да ја префрлат таа одлична форма и на домашната сцена и моментно се дури на 14 позиција после петтиот пораз со 13 бодови, осум помалку зад водечкиот Тотенхем кој во дербито на рундата ремизираше без голови кај Челси. Вулверхемптон е на шестата позиција со 17 бодови.

ВИДЕО: Јунајтед од 0:2 до 3:2, му падна „камен од срце“ на Солскјер!

Поврзани вести

Летните Олимписки игри нема да се одржат ни во 2021 година!?

Слободен печат

Благотиншек: Имавме големи проблеми во минатото со Македонците!

Слободен печат

ВИДЕО: Поради неспортскиот потег Меси суспендиран на два меча!

Слободен печат

Рубин Хебај е првото зимско засилување на Шкендија

Слободен печат

Котески е наследникот на Бошковски на клупата на КЛ7

Слободен печат

Брестовац: Победата над Чиле може да биде позитивен знак

Слободен печат

Остави Коментар