Актерот и режисер Шон Пен (65) го освои својот трет Оскар на 98-то доделување на наградите, но холивудската церемонија беше обележана со неговото отсуство. Наместо него, наградата за најдобар спореден актер за неговата улога во филмот „Една битка по друга“ ја прими минатогодишниот победник Киран Калкин. Пен наводно во тоа време бил во Украина, земја која силно ја поддржува со години, пишува „Њујорк тајмс“. Со оваа статуетка, Шон Пен влезе во елитниот клуб на актери со три освоени награди за глума.

Пен беше награден за неговата улога на полковник Стивен Џ. Локџау во познатата политичка драма „Една битка по друга“ на Пол Томас Андерсон. Во филмот, кој беше еден од омилените на вечерта, тој отелотвори немилосрден и пресметан воен стратег, опишан како „олицетворение на угнетувачки режим“.

Иако сезоната на доделување награди беше неизвесна, со оглед на тоа што Златниот глобус во истата категорија што му припадна на Стелан Скарсгард, а наградата на критичарите на Џејкоб Елорди, улогата на Пен на крајот триумфираше. Во силна конкуренција, тој го надмина и својот колега од филмот Бенисио дел Торо, како и Делрој Линдо („Грешници“) и претходно споменатите Елорди („Франкенштајн“) и Скарсгард („Сентиментална вредност“).

Кога дојде време за прогласување на победникот, на сцената на театарот „Долби“ излезе Киран Калкин, кој минатата година го освои Оскарот во истата категорија за филмот „Вистинска болка“. Откако го прочита името на Пен, Калкин се пошегува за неговото отсуство.

– Шон Пен не можеше да биде тука вечерва – или не сакаше – па ќе јас ќе ја преземам наградата во негово име – рече Калкин.

Отсуството на Пен не бешe големо изненадување. Актерот претходно не се појави ниту на доделувањето на наградите БАФТА, ниту на наградите САГ, каде што исто така триумфираше за истата улога. Единствената церемонија на која присуствуваше оваа сезона беше доделувањето на Златните глобуси во јануари.

Со освојувањето на својот трет Оскар, Шон Пен стана четвртиот машки актер во историјата што освоил толку Оскари. Со тоа, тој им се придружи на легенди како Џек Николсон, Даниел Деј-Луис и Волтер Бренан. Своите претходни два Оскари ги освои во категоријата за најдобар актер. Првиот го освои во 2004 година за улогата како татко кој бара одмазда во криминалната драма „Мистична река“, додека вториот го освои во 2009 година за маестралното портретирање на Харви Милк, првиот отворено геј политичар избран на јавна функција во Калифорнија.

Интересно е што Пен призна во едно интервју признал дека на почетокот се двоумел дали да го прочита сценариото.

– Излегов од под тушот доцна една вечер и го видов сценариото на масата. Помислив, во ред, ќе прочитам само една страница. Почнав да читам и, не знам, по половина страница или страница, седев гол на подот, капејќи, и читав додека не се исушив и не завршив – раскажал актерот.

Робин Рајт откри што му замерила на Шон Пен во врска со воспитувањето на децата: „Чувствувам огромна тага…“

ФОТО | Шон Пен сочно ја бакнува 20 години помладата девојка Олга