Кошаркарите на Шарлот хорнетс ја совладаа екипата на Јута џез на гостински терен со резултат 150:95 во натпревар од НБА лигата.

Шарлот ја забележа својата најубедлива победа во сезоната, што е втора со најголема разлика во историјата на клубот. Најголемиот триумф го запиша во сезоната 2017-18 кога со 61 кош разлика славеше над Мемфис гризлис.

Победничкиот тим на Хорнетс против „џезерите“ го предводеше Тре Ман со 20 поени за само 12 минути од клупата. Брендон Милер постигна 18 поени, Ламело Бол 17, додека Мајлс Бриџис и Колин Секстон реализираа по 15.

Брајс Сенсабо беше прв стрелец во редовите на Јута со 26 поени. Џез играше без својот водечки стрелец Лаури Марканен, кој одмараше, и без повредениот стартер центар Јусуф Нуркиќ.

НБА лига, резултати:

Индијана пејсерс – Мајами хит 123:99
Детроит пистонс – Лос Анџелес клиперс 92:98
Бостон селтикс – Сан Антонио спарс 95:100
Чикаго булс – Далас маверикс 125:107
Јута џез – Шарлот хорнетс 95:150