Два дрона од Русија влегоа во Латвија и се урнаа, објави утрово армијата. Еден од дроновите падна врз складиште за нафта во градот Резекне, на околу 40 километри од границата со Русија, објави јавниот радиодифузен сервис ЛСМ.

Пожарот што избувна на местото на несреќата бил изгаснат пред пожарникарите да стигнат таму, наведува ЛСМ. Единици на вооружените сили, полицијата и спасувачките служби биле исто така испратени на местото на несреќата. Латвиските власти издадоа предупредувања за дронови до граѓаните што живеат по границата со Русија и ги замолија да останат во затворен простор.

Сите училишта во Резекне ќе бидат затворени денес, соопштија локалните власти.

Путин не го ферма примирјето на Зеленски – Русија ја нападна Украина со дронови – Слободен печат

На крајот на март, неколку залутани украински дронови ги погодија Латвија и нејзините соседни земји и сојузниците на НАТО, Естонија и Литванија, при што едното удри во оџак од електрана, а другото се урна во замрзнато езеро и експлодираше.

Iespējams apdraudējums Latvijas gaisa telpā.

Nacionālie bruņotie spēki informē, ka iespējams apdraudējums Latvijas gaisa telpā Balvu un Ludzas novados.

Nacionālie bruņotie spēki kopā ar NATO sabiedrotajiem pastāvīgi monitorē gaisa telpu, lai nodrošinātu spēju nekavējoši reaģēt…

— NBS (@Latvijas_armija) May 7, 2026

Се верува дека украинските дронови биле лансирани за да погодат воени цели во Русија. Трите балтички земји никогаш не дозволија нивната територија или воздушен простор да се користи за напади со дронови врз Русија, изјавија нивните министри за надворешни работи во април.