ВИДЕО | Рецепт за печурки полнети со крем-сирење и ореви
Кога ви треба брзо, а вкусно јадење, полнетите печурки се вистинското решение. Можете да ги наполните со разни филови, а наш предлог е овој со крем-сирење, пармезан и ореви. Полнетите печурки се многу едноставни, а состојките генерално не се скапи. Може да се јадат за појадок, ручек, вечера или како празнично предјадење. Уживајте!
Состојки:
– 20 печурки
– 2 лажици путер
– 2 чешниња лук
– 1/2 кромид
– 1/2 лажичка сол
– 1/4 лажичка бибер
– 110 грама крем-сирење
– 1/3 чаша пармезан
– 1/3 чаша сечкани ореви
– 1/4 чаша ситно сечкан свеж магдонос
Подготовка:
Една лажица пармезан и една лажица ореви оставете настрана. Исчистете ги печурките и отстранете ги петелките. Петелките ситно исечкајте ги, па пропржете ги во тавче во кое сте го растопиле путерот. Потоа додадете мелено лукче, сол и бибер, па оставете уште неколку минути. Тргнете ги од ринглата.
Во друг сад измешајте ги крем-сирењето, пармезанот, сечканиот магдонос и оревите. Добро соединете, па наполнете ги печурките и наредете ги во намрсена тава. Посипете со сечкани ореви и пармезан, па печете во загреана рерна на 200 степен околу 20-25 минути. Готовите печурки украсете ги со магдонос.