ВИДЕО | Рецепт за мусака со компири и шунка, се пече побрзо од класичната
Мусака е магична избалансирана комбинација на месо, модар патлиџан, компири, млеко, јајца… Мусаката е чест оброк на трпезата, бидејќи е едноставна и на сите им успева.
Меѓутоа, сега можете да направите уште полесна варијанта на мусаката, а и уште повеќе да го скратите времето за готвење, бидејќи не мора да го пржите меленото месо, туку наместо тоа, можете да додадете шунка.
На трпезата ќе имате лесен и брз ручек кој ќе го израдува целото семејство. Мусаката послужете ја со салата по желба.
Состојки:
– 1 килограм компири
– 2 главици кромид
– 120 грама шунка
– 3 лажици пармезан
– 3-4 лажици брашно
– 150 милилитри павлака за готвење
– презла (трошки од леб)
Подготовка:
Исечете ги компирите на мали кругчиња, а потоа посолете. Кромидот исечкајте го на коцки, па пропржете го.
Во компирите додадете ги пармезанот, сечканата шунка, пржениот кромид, павлаката за готвење, брашното и убаво измешајте.
Намачкајте го плехот со масло и посипете го со презла.
Сипете ја смесата и добро измазнете ја. Мусаката печете ја на 180 степени околу 50 минути.