ВИДЕО | „Поважно ми е да бидам здрава“: Селена Гомез одговори на критиките за вишокот килограми
Американската актерка и пејачка Селена Гомез одговори на критиките за нејзиниот физички изглед и доби голема поддршка од јавноста за нејзиното објаснување дека телото ѝ се менува поради лековите кои ги пие за автоимуната болест лупус.
Во јавување во живо на платформата ТикТок, Гомез им се обрати на своите обожаватели, но и на оние кои ја критикуваат.
„Кога ги примам лековите, во телото ми се задржува повеќе вода. И тоа се случува многу нормално. Кога ќе престанам да ги пијам, на некој начин слабеам.
Сакав само да ги охрабрам сите кои се срамат поради она низ што поминуваат и никој не ја знае нивната приказна. Па, сакам луѓето да знаат дека се убави и прекрасни. Да, сите имаме денови кога се чувствуваме лошо, но јас побргу ќе изберам да бидам здрава и да се грижам за себеси. Моите лекови ми се важни и верувам дека ми помагаат.
Да, не сум модел и никогаш нема да бидам. Сметам дека тие се прекрасни, но јас дефинитивно не сум тоа“, објасни таа.
Како потсетување, на Гомез ѝ беше дијагностицирана оваа автоимуна болест во 2014 година.
Во 2017 година, ѝ беше извршена трансплантација на бубрег поради состојбата, а бубрегот ѝ го донираше нејзината тогашна најдобра пријателка Франсија Раиса.
„Не постојат зборови со кои јас можам да ѝ се заблагодарам на мојата прекрасна пријателка Франсија Раиса. Таа ми го даде ултимативниот подарок и се жртвуваше донирајќи ми бубрег. Многу сум благословена. Те сакам многу сестричке“, напиша тогаш Гомез на Инстаграм.
View this post on Instagram
Повеќе на темата:
Селена Гомез за менталното здравје: Драго ми е што сум жива
„Рацете ми се тресат поради лековите“: Селена Гомез им одговори на загрижените обожаватели