Селена Гомез неодамна го објави својот документарец „My Mind and Me“, во кој раскажува за животните настани кои ѝ се случиле во последните шест години.

Но, нејзините обожаватели се разочарани што Гомез не ја спомна нејзината пријателка Франсија Раиса, која ѝ донираше бубрег во 2017 година.

Откако Раиса се огласи на социјалните мрежи, каде потенцираше дека е навредена, Селена ѝ одговори со доза сарказам дека ѝ е жал што не ги спомнала сите луѓе кои ги познава.

 

View this post on Instagram

 

A post shared by Selena Gomez (@selenagomez)

Во документарецот, во кој е ставен главен акцент на менталното здравје на Гомез, таа изјави дека пејачката Тејлор Свифт ѝ е единствена пријателка од јавниот свет.

„Никогаш не се вклопив во групата со ‘кул’ познати девојки. Мојата единствена пријателка од индустријата е токму Тејлор Свифт“, сподели Гомез.

Медиумот „Ентертејмент њуз“ го сподели овој цитат на Гомез на својот инстаграм-профил. Очигледно, ова ја навреди Раиса, која остави ироничен коментар „Интересно“ на објавата. Потоа, таа го избриша коментарот и ја отследи Гомез на социјалните мрежи.

 

View this post on Instagram

 

A post shared by E! News (@enews)

Како потсетување, на Селена Гомез ѝ беше извршена трансплантација на бубрег поради лупус, а бубрегот ѝ го донираше нејзината тогашна најдобра пријателка Франсија Раиса.

„Не постојат зборови со кои јас можам да ѝ се заблагодарам на мојата прекрасна пријателка Франсија Раиса. Таа ми го даде ултимативниот подарок и се жртвуваше донирајќи ми бубрег. Многу сум благословена. Те сакам многу сестричке“, напиша тогаш Гомез на Инстаграм.

 

View this post on Instagram

 

A post shared by Selena Gomez (@selenagomez)

ФОТО+ВИДЕО | Селена Гомез: Можеби нема да можам да останам бремена