Јапонските власти во понеделникот апелираа до милиони луѓе да ги евакуираат своите домови, бидејќи поројните дождови предизвикаа поплави и лизгање на земјиштето во југозападна Јапонија, при што неколку лица се водат како исчезнати.

Снимките емитувани на јапонската телевизија покажаа куќи, продавници и возила потопени во вода висока и до еден метар во многу области во префектурата Кумамото.

За шестчасовен период утрово, во градот Тамана, најтешко погодениот град, наврнаа повеќе од 37 сантиметри дожд, што е локален рекорд, според Јапонската метеоролошка агенција.

Evacuation order issued as heavy rains trigger floods & landslide in Karatsu, Saga Prefecture #Japan#Flood #Asia #Japon #Karatsu #Saga #Flashflood #Rain #Climate #Weather #Viral pic.twitter.com/802BHzyAMB

— Earth42morrow (@Earth42morrow) August 10, 2025

„Ситуацијата претставува смртна опасност“, предупредија метеоролозите, додавајќи дека „потребна е максимална будност“.

Предупредувања и барања за евакуација беа издадени за повеќе од три милиони жители во југозападна Јапонија, според Агенцијата за управување со пожари и катастрофи. Околу 384.000 луѓе, претежно во префектурата Кумамото, се ставени на највисоко ниво на тревога, соопшти агенцијата.

Еден маж во Коса, Кумамото, е исчезнат во понеделникот откако лизгање на земјиштето го погоди неговиот дом, изјави локален функционер за АФП.

Southern Japan: Record Rain Causes Floods, Mudslides, Multiple Missing on Kyushuhttps://t.co/CyaGly2lYB

— Blaze Trends (@theblazetrends) August 11, 2025

Во Мисато, друг град во префектурата, спасувачите работеа на тоа да му помогнат на постар маж заробен во својата куќа, која исто така беше погодена од свлечиште, изјави локален функционер за АФП.

Судбината на две лица во градот Фукуока кои вчера беа однесени од надојдените води е сè уште непозната, според јавниот радиодифузен сервис НХК.

Над 3 милиони луѓе беа замолени да ги напуштат своите домови