На ревијата за есен/зима 2026–2027 во Париз, Стела Макартни му оддаде нежна почит на својот татко, Пол Макартни, преку едно парче облека.

Белата маица со посвета стана хит на ревијата, а реакцијата на музичката легенда во првиот ред само го засили моментот. Заедно со коњи, плетени парчиња и суров тексас, токму оваа порака го привлече целото внимание.

На 4 март во Булоњската шума, Стела ја претстави својата нова колекција во необична атмосфера. Коњи и модели се менуваа на пистата, а силуетите што ја мешаа коњичката традиција со модерни кроеви го поставија тонот за целата ревија. Пол Макартни и неговата сопруга Ненси Шевел седеа во првиот ред, а во близина беа актерката Хелен Хант и водителката Опра Винфри.

Меѓу елегантните крзнени јакни, моделите пеплум и фармерките со вез од скапоцени камења, едноставна бела маичка со натпис „Мојот татко е рок-ѕвезда“ го привлече вниманието. Во комбинација со тексас украсен со имитација на накит, ова парче беше повеќе од само модна изјава, тоа беше лична порака од ќерка до нејзиниот татко. Макартни како и секој горд татко, не можеше, а да не направи фотографија: го извади телефонот и го овековечи моментот.

Инаку, ова не е првпат Стела Макартни да испрати порака преку својата облека. Во 1999 година, таа се појави со својата пријателка Лив Тајлер во маички на кои пишуваше „Рок кралство“ на Мет Гала. Оттогаш, маичките со слогани станаа нејзин препознатлив инструмент, духовити, лични и политички кога е соодветно.

@outpump @Stella McCartney’s dad is a rockstar and she made a shirt that proves it. #paulmccartney #beatles #dad #pfw #fashiontiktok ♬ All You Need Is Love – The Beatles