Maкедонскиот голман Столе Димитриевски зад себе има одлична сезона во дресот на Валенсија која според последните информации од Шпанија и му го продолжила договорот до 2028 година.

Димитриевски сезоната ја почна како резерва, но по повредата на Јулен Агирезабала доби минутажа која ја искористи на најдобар можен начин. Во финишот од сезоната македонскиот чувар на мрежата беше еден од хероите на тимот кој од долниот дел на табелата по катастрофалниот почеток успеа да се искачи до деветтата позиција.

Сезоната Димитриевски ја заврши со вкупно 52 одбрани, а некои од нив беа навистина и спектакуларни, па така Валенсија на социјалните мрежи ги издвои најдобрите пет. По ваквите настапи за очекување е Димитриевски да остане прва „единица“ на клубот од „Местаља“ и за наредната сезона.

Валенсија му верува на Димитриевски, македонскиот голман добива нов договор