Лука Дончиќ уште еднаш беше незапирлив и уште еднаш му донесе победа на својот тим Далас во НБА лигата. Одличниот словенечки плејмејкер имаше неверојатни 35 поени, осум скокови и шест асистенции во драматичната победа на Далас над Торонто репторс 111:110 и практично сам им ја донесе победата на Маверикси.

Тимот од Тексас водеше со голема разлика, но во последната четвртина се најде во неволја бидејќи четвртиот дел од натпреварот го загуби со негатива од 14 поени, но на крајот дојде до победата.

Спенсер Динвиди со 21 поен беше единствениот расположен за игра покрај Дончиќ, додека О.Г. Ануноби со 27, Паскал Сијакам со 18 и Крис Бухер со 17 поени го предводеа Торонто.

Luka Dončić has now joined Wilt Chamberlain as the only players in @NBA history to score 30+ points in 8-or-more consecutive games to begin a season.

Chamberlain, first 8 games in 1959-60
Chamberlain, first 23 games in 1962-63
*Dončić, first 8 games in 2022-23 pic.twitter.com/5I2qeyYtPY

— Mavs PR (@MavsPR) November 5, 2022

Со оваа игра Дончиќ испиша историја бидејќи стана единствениот играч во историјата на НБА заедно со Вилт Чембрлен кој постигна 30+ поени на првите 8 натпревари од сезоната. Тоа го направи Чембрлен пред него прво во 1959-60, па Чембрлен во 1962/63 кога имаше дури 23 меча по ред со 30+ поени и сега после цели 60 години го повтори тој учинок!

Чембрлен деновиве многу се споменува поради играчи од овие простори, бидејќи неодамна еден од неговите рекорди собори српскиот центар на Денвер нагетс, Никола Јокиќ.

НБА лига, резултати –

Детроит – Кливленд 88:112
Индијана – Мајами 101:99
Филаделфија – Њујорк 104:106
Вашингтон – Бруклин 86:128
Бостон – Чикаго 123:119
Мемфис – Шарлот 130:99

Сан Антонио – Лос Анџелес клиперс 106:113
Далас – Торонто 111:110
Њу Орлеанс – Голден стејт 114:105
Минесота – Милвоки 102:115
Феникс – Портланд 106:108
Лос Анџелес лејкерс – Јута џез 116:130