Кошаркарите на Оклахома Сити тандер го совладаа Њујорк никс со 103:100 во натпревар од регуларниот дел на сезоната во НБА лигата. Лидерот во Западната конференција дојде до четвртата победа во низа.

Оклахома Сити имаше водство и од „+15“ (63:48) во третата четвртина, но гостите одговорија со серија од 24:9 и целосно се вратија во мечот.

Џејлен Брансон го израмни резултатот со тројка, а Микал Бриџис погоди шут за три поени на 1,2 секунди до крајот на периодот за да им донесе на Никс водство од 80:77.

Сепак, Тандер ја вратија контролата на почетокот на последната четвртина и успеаја да одржат минимално водство до крајот. Њујорк имаше шанса да се избори за продолжение во последниот напад, но обидите за тројка на Брансон и Ануноби беа непрецизни.

Холмгрен го предводеше победничкиот тим со 28 поени и осум скока, заедно со шест тројки. Шеј Гилџес-Александер додаде 26 поени, додека Лу Дорт постигна 16.

Карл Ентони Таунс беше најефикасен кај Никси со дабл-дабл од 17 поени и 17 скока. Брансон заврши со 16 поени и 15 асистенции, а истиот учинок на поени го имаше и Ануноби.

Оклахома е првопласирана на Западот (49-15), пред второпласираниот Сан Антонио спарс (44-17), додека Њујорк е третопласиран во Источната конференција (40-23).

НБА лига, резултати:

Њујорк – Оклахома 100:103
Бостон – Шарлот 89:118
Филаделфија – Јута 106:102
Мемфис – Портланд 114:122
Милвоки – Атланта 113:131
ЛА Клиперс – Индијана 130:107