ВИДЕО | Огнен Здравковски ја објави новата песна „Душа“ која ја сними во Белград
Македонскиот пејач Огнен Здравковски ја објави својата нова песна насловена „Душа“. Песната е на српски јазик, а и видеоспотот за нумерата е снимен во Белград, Србија.
За новото музичко остварување на Огнен се заслужни Саша Николиќ, чие дело се музиката и аранжманот, кој соработува со бројни српски ѕвезди, особено со Марија Шерифовиќ, додека, пак, текстот е на Мира Мијатовиќ, која инаку стои и зад текстот за песната „Оскар“, со која српскиот пејач Аца Лукас се натпреваруваше на изборот за Песна за Евровизија во Србија. За микс и мастеринг задолжен беше Лазар Милиќ.
Како режисер се потпишува македонскиот режисер Зоран Зонде Стојановски.
Покрај Огнен, во спотот се појавува и српската манекенка Невена Гичевиќ. Спотот е снимен на повеќе локации во Белград, меѓу кои и во ресторанот на музичката ѕвезда Саша Ковачевиќ.
– Презадоволен сум од целиот проект. Навистина ја работевме долго време песната со Саша Николиќ, но сметам дека се исплатеше. Исто така морам да го пофалам и Зонде кој направи одлично видео. Сега останува на публиката да си го каже своето, но сигурен сум дека ќе им се допадне – вели Здравковски.