Во НБА лигата кошаркарите на Кливленд загубија на домашен терен од Бруклин со резултат 125:117, оставајќи ги Кевин Дурент и неговите соиграчи на третото место во Источната конференција.

На Кавалирси не им помогна ниту спектакуларната партија на Дариус Гарланд, кој мечот го заврши со 46 поени, воедно запиша осум асистенции и три скокови. Гарланд имаше и одличен процент на шут. Тој шутираше 70 проценти од поле, а реализираше пет од седум тројки.

За Бруклин, Дурент и Кајри Ирвинг постигнаа по 32 поени, а Ти Џеј Ворен реализираше 23.

На Истокот Кливленд после 13 пораз сезонава е на четвртото место, а на првите две позиции во конференцијата се Бостон (24-10) и Милвоки (22-11).

НБА лига, резултати –

Кливленд – Бруклин 117:125
Детроит – ЛА Клиперс 131:142 (по 1 продолжение)
Мајами – Минесота 113:110
Чикаго – Хјустон 118:133
Њу Орлеанс – Индијана 113:93
Сан Антонио – Јута 126:122
Портланд – Шарлот 124:113