Српскиот кошаркар Богдан Богдановиќ во текот на паузата се пресели од Сакраменто во Атланта и многу брзо покажува дека ќе биде одлично засилување за Хокси.

Во својата втора партија за неговиот нов клуб запиша 18 поени во триумфот над Орландо (116:107) во контролниот натпревар што е подготовка за претстојната сезона.

Поефикасен во екипата од Џорџија беше Јанг (21 поен), додека Галинари запиша 17. На спротивната страна најдобар учинок имаше поранешниот прв „пик“, Маркел Фулц со 21 кош.

Се подготвуваат и актуелните НБА шампиони, доцна синоќа Лос Анџелес Лејкерс со 131:106 славеше против Лос Анџелес Клиперс. За „езерџиите“ доминираше Хортон-Такер со 33 поени, следен од Кузма (25), а кај поразените Вилијамс реализираше 12.

Двете најголеми ѕвезди во составот на Лејкерси, Леброн Џејмс и Ентони Дејвис исто така вежбаат со останатите играчи, но ќе ги пропуштат тест дуелите.

Резултати од пред-сезоната во НБА:

Атланта – Орландо 116:107
Бруклин – Вашингтон 119:114
Детроит – Њујорк 99:91
Чикаго – Хјустон 104:91
Лејкерс – Клиперс 131:106
Портланд – Сакраменто 106:121