ВИДЕО: Одлична партија на Ненад Димитријевиќ од 30 поени против Партизан!
Денеска во натпреварот за третото место на ВТБ Суперкупот екипата на Уникс Казан триумфираше со 83:77 против белградски Партизан.
За руската екипа доминираше македонскиот репрезентативец Ненад Димитријевиќ кој постигна неверојатни 30 поени (8/9 од поле, 3/5 за три).
Кај неговите тимски колеги блескаше и Џејлен Рејнолдс со 19 поени, шест асистенции, пет скокови и четири украдени топки.
За српскиот клуб Урош Трифуновиќ и Јанис Папапетру постигнаа по 12 поени, Кевин Пантер 11, а 10 беа дело на Џејмс Нанели. Матијас Лесор забележа осум поени и 11 скокови.
– Среќен сум за нашата победа. Покажавме вистинска тимска хемија. Да се победи клуб кој игра во Евролигата вреди многу. Верувам дека ќе успееме да го повториме овој успех и на претстојниот воведен натпревар од ВТБ лигата против Зенит. Се надеваме дека еден од лидерите на нашиот тим, Дерил Мејкон, кој се повреди на крајот на средбата, брзо ќе се опорави – рече Димитријевиќ за клупскиот сајт на Уникс Казан.
Во борбата за трофејот играат руските Зенит Петерсбург и ЦСКА Москва на нашиот тренер Емил Рајковиќ. Претходно во мечот за петтото место рускиот Локомотив Кубан со 95:93 беше подобар од Мега Баскет од Србија.
View this post on Instagram