ВИДЕО | Нори го налути со неспортски потег, па Ѓоковиќ го „преслуша“ за четвртфинале во Рим
Српскиот тенисер Новак Ѓоковиќ се пласираше во четвртфиналето на Мастерсот во Рим.
Ѓоковиќ кој ја брани титулата во Рим го совлада Британецот Камерон Нори со 2:0 во сетови. Првиот сет Новак го доби со 6:3, а вториот со 6:4. Првиот сет бранителот на титулата рутински го одработи и Нори не доби ниту една брејк шанса, додека сервисот на противникот Новак го одзема уште на стартот.
Вториот сет започна слично како првиот. Нори успеа да го „преживее“ својот прв сервис гем, но не и вториот, па Новак во третиот гем стигна до брејк. Во тие моменти видовме и еден неспортски птоег кога Нори смечуваше топка директно во ногата на Ѓоковиќ, иако пред себе го имаше отворен целиот терен, а Ѓоквоиќ беше свртен со грб.
That moment at the net between Djokovic and Norrie: pic.twitter.com/2NKhxq1jcM
— José Morgado (@josemorgado) May 16, 2023
Тој момент како да го налути Ѓоковиќ и во деветтиот гем го одзема сервисот на ривалот без изгубен поен и до крајот без проблеми го чуваше водството.