Моите мисли постојано се со жртвите и луѓето што уште се борат. Ова е незамислива трагедија и ние никогаш, никогаш не можевме да замислиме вакво нешто. Оваа трагедија се случи во нашиот локал и би сакала да се извинам, рече Џесика Морети сопственичка на локалот „Ла Костеласион“ во Кран Монтана каде во стравичен пожар загинаа 40 млади луѓе а 116 беа повредени, многу од нив многу сериозно.

Жак Морети, ко-сопственик на барот заедно со неговата сопруга во швајцарскиот ски-центар Кран-Монтана, кој беше запален на новогодишната ноќ, е во притвор.

Двајцата се под истрага под сомнение за кривични дела, вклучително и убиство од небрежност, додека семејствата на жртвите поднесоа тужби до швајцарското обвинителство поради пожарот во барот.