Откако авторските права на популарните ликови влегоа во јавниот домен, авторите на хорор филмовите ги зграпчија и омилените детски херои ги претворија во крволочни убијци. Прво мечето Вини Пу го претворија во чудовиште, а сега Попај морнарот во убиец.

Ликот на Попај, кој оживеа во далечната 1929 година,  првпат го објави стрип атртистот Сегар, кој со децении важеше за добродушен морнар кој својата сила му ја должи на спанаќот.

Но, почнувајќи од 2025 година, ќе го видиме во многу поинакво светло, бидејќи „Салем хаус филмс“, „Милман продакшн“, „Рон Ли продакшн“ „Отсего медиа“ се здружија за да го претворат Попај во крвожеден убиец на љубопитни студенти во одамна затворената фабрика за конзервиран спанаќ. Во неа сè уште има резерви загаден спанаќ кој озлогласениот морнар секојдневно гојаде и со натчовечка сила крши и убива се пред себе.

Неодамна беше објавен трејлер за филмот кој, мора да предупредиме, е крајно вознемирувачки.

Да потсетиме, во последните неколку години, по истекот на авторските права, ја гледавме хорор верзијата на Вини Пу (Крв и мед), а во подготовка се хорор филмовите за Пинокио и Бамби!