Иима ли нешто поромантично од зајдисонце? Доколку сте заљубени, веројатно ќе се согласите дека има нешто магично во црвено-портокаловите бои на небото, кои по можност се рефлектираат на површината на блиското море, пишува „Путни куфер“.

Мостот на бакнежите, кој е нова туристичка атракција во Виетнам, е позадина за токму такви моменти, како и неверојатни фотографии. Мостот изграден минатата година беше официјално откриен во декември, а наскоро, без сомнение, ќе стане една од најпосетуваните локации на виетнамскиот остров Фуквок.

Пу Куок е познат по своите прекрасни плажи и е честа дестинација за паровите на меден месец. Виетнам има долго и убаво крајбрежје, но повеќето острови и плажи се свртени кон исток. Фуквок, сепак, е свртен кон запад. Долго време се нарекува една од најубавите локации за гледање зајдисонце во светот. Градот на западниот брег се вика Сансет таун, и има идеална локација за отворено море. Така што, локацијата на новата атракција не е случајно избрана.

„Мостот на бакнежите“ е дело на италијанскиот архитект Марко Казамонти, кој го изградил за компанија која се занимава со развој на луксузен туризам. Мостот е долг нешто повеќе од 800 метри и се состои од два дела. Дизајнот е инспириран од познатата фреска на Микеланџело „Создавањето на Адам“, една од деветте сцени на таванот на Систинската капела. Исто како и прстите на уметничката слика, двете половини на мостот не се допираат, но сепак се доволно блиску за да можат да се бакнуваат луѓето кои стојат на спротивните страни, со мало навалување. Двете страни на мостот се оддалечени 30 сантиметри, што значи дека вљубените треба да застанат на своја страна и да се наведнат за да „допрат“ до усните на својата сакана.

Растојанието меѓу двете половини на мостот е прецизно пресметано, така што секоја година на 1 јануари сонцето ќе „паѓа“ токму во јазот меѓу нив, пишува „Си-ен-ен“.

Да додадеме и дека виетнамското име на мостот, Кау Хон, во буквален превод значи предлог или предлог за брак, а тоа е нешто што, веројатно, нема да недостасува на ова место.