Фудбалерите на ПСЖ го совладаа Сент Етјен со 3:2 во неверојатно возбудлив натпревар на кој сите пет гола беа постигнати во последните 15 минути.  Со победата, ПСЖ му се приближи на лидерот на табелата Лил на само еден бод на пет кола до крајот на шампионатот. ПСЖ сега има 69 бода, еден помалку од Лил.
Иако „светците“ доминираа на теренот на „Паркот на принцевите“, гостите први ја затресоа мрежата. Сент Етјен поведе во 78. минута со голот на Буанга, но веќе во следниот напад Мпабе испеа да израмни.

Напаѓачот на ПСЖ во 87. минута му донесе предост на својот тим откако го реализира пеналот, но тоа не беше крајот на возбудувањата.

Фудбалерите на Сент Етјен во 92. минута дојдоа до израмнување преку Хамума, а кога се чинеше дека натпреварот ќе заврши без победник, во петтата минута од продолжението Мауро Икарди беше највисок во скокот и му донесе голема победа на својот тим.