ВИДЕО | „Најхрабрата жена во Русија“, новинарката Овсијаникова: Се срамам што сум дел од пропагандата
Руската новинарка Марина Овсијаникова, која денеска упадна во програма во живо на руската телевизија „Прв канал“, претходно снимила видеопорака на социјалните мрежи, во која порачува дека ѝ е срам што работела за пропагандата на Кремљ. Таа е вработена во телевизијата како уредник.
Освен тоа, во пораката Овсијаникова вели дека татко ѝ е Украинец и целосно ја осудува војната.
– Она што се случува во Украина е криминал и Русија е агресорот. Одговорноста за ова лежи кај еден човек, Владимир Путин. Татко ми е Украинец, а мајка ми Русинка. Тие никогаш не биле непријатели. За жал изминатите неколку години јас работам во „Прв канал“. Јас ја спроведував пропагандата на Кремљ и се срамам од тоа: што дозволував луѓе да жалат преку ТВ екраните, рече таа.
Marina Ovsyannikova, the woman who ran onto a live state TV news broadcast, even recorded a message beforehand. In it, she says her father is Ukrainian. She calls for anti-war protests, says she’s ashamed about working for Kremlin propaganda, and she denounces the war absolutely. pic.twitter.com/nOpUY9bH74
— Kevin Rothrock (@KevinRothrock) March 14, 2022
Откако новинарката се појави зад водителката со плакат на кој пишуваше „Не на војната. Стоп за војната. Не верувајте во пропагандата. Овде Русите ве лажат за војната“, таа била одведена во полиција.