„Во Романија е забележан првиот летечки автомобил“ – ова е еден од шеговитите коментари на видеото што овие денови кружи на социјалните мрежи, а прикажува како возач зад воланот на „Мерцедес“ со огромна брзина прелетува преку кружен тек и над два автомобили што му се приближуваат.

The first flying car was spotted in Romania. WTF. pic.twitter.com/DQcu910Eka

— Mihai Simion (@faustocoppi60) December 4, 2025

Снимката наводно е направена на една сообраќајница во Романија.

Откако ги прелетал автомобилите, „Мерцедесот“, како што пишува романскиот портал Adevărul, „брутално слетал, удрил во ограда и застанал на зелената површина кај блиската бензинска пумпа“.

Возачот здобил полесни до умерени повреди и бил пренесен во болница.

Според пишувањето на медиумите, тој не бил под дејство на алкохол или дрога, а несреќата му се припишува на дијабетична криза поради која не можел да реагира при возењето.