Двајца загинаа, а голем број се повредени откако пешачки мост се урна во Западна Морава, по кој поминувале туристи од Зворник, од Република Српска, јавија српските медиуми.

Очигледно, по симнувањето од автобусот, туристите веднаш се упатиле кон мостот, а таму немало никој да ги предупреди за правилото кое малкумина го знаеле.

Луѓето го користеле со обврска мостот никогаш да не биде преоптоварен, односно на него никогаш немало повеќе од две или три лица, држејќи се на растојание.

Туристите не биле свесни за големата опасност бидејќи пред мостот немало предупредување дека мостот не е во функција, јавува агенцијата.

Евакуацијата на луѓето е во тек, брзата помош е на терен.

Мостот кој се урна денеска во утринските часови беше омилено излетничко место на многумина од Чачак. Меѓутоа, она што би ги изненадило многу гости кои се нашле на него е фактот што овој мост кој викендов го користеле неколку стотици луѓе бил во многу лоша состојба.

– Даските на подот се скапани, секој чекор е ризичен и вие преземате своја одговорност. Без никаков знак или предупредување, луѓето поминуваат и само на половина пат низ овој висечки мост гледаат дека секој следен чекор може да ги доведе во опасност. Недостасуваат парчиња од подот, скршена е плетената жица од страна. Состојбата на каблите што го држат е големо прашање – изјави за РИНА Милован Ресимиќ, редовен гостин на Бањата Овчар.

У Овчар Бањи данас око 10 сати је дошло до пуцања висећег пешачког моста преко Западне Мораве а људи који су се затекли ту, упали су у реку, речено је у Полицијској управи Чачак. Две жене су преминулe, а 11 особа је повређено pic.twitter.com/KqjzSoHKun

— Богдан Зимоњић (@bogdan_zimonjic) October 13, 2022