Денеска во пријателски натпревар одигран во Перт, Австралија, фудбалерите на Милан го декласираа Перт Глори со резултат 9:0.

За „росонерите“ по два голови постигнаа Рафаел Леао и Ноа Окафор.

По еднаш во листата на стрелците се запишаа Филипо Терачиано, Кристијан Комото, Самуел Чуквуезе, Самуеле Ричи и Јунус Муса.

По стартниот пораз (1:0) од Арсенал во серијата контролни мечеви ова лето, за „росонерите“ ова беше втора победа по онаа против Ливерпул од 4:2.

До почетокот на сезоната во Серија А, Милан ќе тестира и против Лидс на 9 август и против Челси следниот ден, а ќе го почне и настапот во Купот на Италија против Бари на 17 август.