ВИДЕО: „Мицкоски или не знае или лаже“ – директорот на ЕСМ Ковачевски реагира по обвинувањата од опозицијата
„Треба да одржиме еден час во природа на професорот Христијан Мицкоски, но исто така добро е и граѓаните да слушнат и да видат за што реално станува збор. Професорот Христијан Мицкоски кој што е дел од енергетскиот сектор, кој претходно бил 12 години, во претходната власт главен советник за енергетика, бил 2-3 години и во Надзорниот и Управниот одбор на тогашно АД ЕЛЕМ, сегашно ЕСМ, треба да знае и добро е да знае како се продава ноќната енергија, на кој начин АД ЕСМ ја објавува и како одат одлуките за продажба на оваа енергија. Ако не знае, сега, денеска ќе нацртаме и една табела на која јасно ќе се покаже како АД ЕСМ ги продава ноќните вишоци“ рече денеска пред новинарите во Битола генералниот директор на АД ЕСМ – Васко Ковачевски.
Ковачевски, облечен во работничка облека и заедно со директорот на РЕК Битола Пеце Матески, детално образложи како „граѓаните и малите потрошувачи, државните институции и сите субјекти ја купуваат електричната енергија како еден продукт, освен некои стопански субјекти кои имаат потреба од енергија во некои одредени пикови, односно во одредени часови“: