Три лица, вклучувајќи го и наводниот напаѓач, се убиени вчера кога вооружен човек отвори оган на лизгалиште за хокеј на мраз во градот Патуксент, Род Ајленд , за време на младински натпревар, информираат локалните власти.

Тројца други се повредени и се во критична состојба. Шефицата на полицијата во Патуксент, Тина Гонсалвес, на прес-конференција изјави дека „имаме најмалку три лица мртви“, вклучувајќи го и осомничениот. Тројцата повредени се однесени во болница и се во „критична состојба“, рече таа. Најмалку една од жртвите е жена, додека втората жртва е хоспитализирана.

Вооружениот човек кој отвори оган на хокеарски натпревар во средно училиште во Потакет, Род Ајленд, беше идентификуван вчера вечер од полицијата. Станува збор за 56-годишниот Роберт Дорган, кој се појавува и под името Роберта Еспозито.

Човекот, кој се чини дека бил на операција за промена на полот (иако ова не е потврдено од властите), убил две лица и сериозно повредил уште три пред да си го одземе животот.

Видео емитувано во живо на социјалните мрежи ги доловува сцените на паника што следеа по пукањето, каде минувачите трчаа кон излезите, а други се обидуваа да им пружат прва помош на жртвите.

2 dead, 4 injured in shooting at RI school hockey game 💔
Suspect among those killed in tragic attack. pic.twitter.com/vOx0tw3T4b

— Apex Glob (@ApexGlob) February 16, 2026

Семејното насилство зад нападот
Според извор од Бирото за алкохол, тутун, огнено оружје и експлозиви (ATF), цитиран од „Фокс њуз“, инцидентот наводно започнал како епизода на семејно насилство и ескалирал во убиство и самоубиство. Истиот извор рекол дека сторителот наводно ја убил својата сопруга и пукал во две од своите деца пред да го насочи пиштолот кон себе. Третото дете е повредено и е хоспитализирано.

Police have responded to a fatal shooting at high school hockey game in Rhode Island. Multiple people have been killed in the US, with police confirming that it was a ‘targeted attack’. pic.twitter.com/zNaFtpLCmP

— Sky News (@SkyNews) February 17, 2026

Полицијата не ги објави имињата на жртвите и на стрелецот, ниту пак какви било дополнителни информации за состојбата на повредените. Гонсалвес рече дека досега собраните докази укажуваат на „семејни несогласувања“.

Локалната станица на Ен-би-си њуз објави дека една од жртвите е млада девојка, но нема официјална потврда од властите.

Пукањето се случило за време на натпревар во хокеј на мраз помеѓу младинските екипи, на кој биле присутни играчи и гледачи.

Сведоштва од теренот

Видеата што циркулираат на социјалните мрежи и се емитуваат од телевизиската станица – кои не се потврдени – покажуваат како играчите и гледачите трчаат за да се засолнат додека во затворениот стадион се слушаат повеќе истрели.

„Откако беа испукани истрелите, јас и моите соиграчи се упативме кон соблекувалната“, изјави сведок на теренот за локалната телевизиска мрежа WJAR. Тој рече дека некои играчи ја држеле вратата затворена, додека останатите „се обиделе да се засолнат внатре“ во соблекувалната.

Инцидентот се надополнува на долгиот список на напади со оружје во Соединетите Американски Држави, каде што има повеќе оружје отколку луѓе. Во 2024 година, повеќе од 16.000 луѓе беа убиени од огнено оружје, не сметајќи ги самоубиствата, според невладината организација „Архива за насилство со оружје“.

Напади со оружје се евидентирани на сите видови места, од училишта и работни места до цркви, супермаркети, јавен превоз и јавни улици, истакнувајќи еден траен проблем што останува во центарот на јавната дебата во Соединетите Американски Држави.