Денеска од 20.45 часот на Националната арена „Тодор Проески“ – Скопје македонската фудбалска А репрезентација ќе го игра вториот натпревар од квалификациите за пласман на Европското првенство 2024 против Украина.

Нашите најдобри фудбалери во квалификацискиот циклус стартуваа со домашен триумф од 2:1 над Малта, додека Украинците беа поразени на гостувањето кај Англија со 2:0.

Македонија во досегашните меѓусебни дуели против Украина има учинок од една победа, три порази и едно реми.

Единствениот триумф го имавме на пријателскиот натпревар одигран на 31 март 2004 година во Скопје со резултат 1:0. Стрелец на голот беше Горан Ставревски во 26 минута, а интересно во составот на Украина како играч беше нејзиниот сегашен селектор Сергеј Ребров.

Последниот меѓусебен дуел беше на последното Европско првенство, во Букурешт загубивме минимално со 2:1. Противникот постигна голови преку Јармоленко (29`) и Јаремчук (34`), а единствениот погодок за нашата селекција го реализираше Алиоски (57`).

11 октомври 2003 година
Пријателски натпревар
Украина – Македонија 0:0

31 март 2004 година
Пријателски натпревар
Македонија – Украина 1:0

12 октомври 2014 година
Квалификации ЕП 2016
Украина – Македонија 1:0

9 октомври 2015 година
Квалификации ЕП 2016
Македонија – Украина 0:2

17 јуни 2021 година
Европско првенство 2020
Украина – Македонија 2:1

ФОТО | Фудбалерите на Украина пристигнаа во Скопје