Македонската А репрезентација в четврток (16 јуни) со почеток од 20.45 часот на Националната арена „Тодор Проески“ ќе го одигра вториот натпревар од квалификациите за ЕП 2024 против Украина.

Потсетување дека влезниците за овој мечот Македонија – Украина се во продажба, повеќе информации ТУКА

Нашиот селектор Благоја Милевски вели дека од фудбалерите кои ќе се најдат на терен може да се очекува да го дадат својот максимум за успешен резултат против Украинците.

Неговиот колега на спротивната страна, украинскиот селектор Сергеј Ребров ја почитува македонската репрезентација.

– Македонија ја исфрли Италија во плеј-офот за Светското првенство 2022, ја совлада и Германија на гости. Го сфаќаме натпреварот многу сериозно. Мора да го почитуваме противникот, но и да размислуваме на нашата игра – вели Ребров.

Селекторот на Украина не ја прифаќа фаворитската улога на ова гостување во Скопје.

– Не верувам дека сме фаворити. Играме на гостински терен против една силна репрезентација. Мора да докажеме на теренот дека ние сме фаворити. Знаеме против кој играме утре, ја знаеме силата на Македонија. Очекувам еден тежок натпревар, знаеме дека Елмас е нивниот лидер во тимот. Но, имаа и други фудбалери кои добро се движат на теренот со топката, и на нив треба да обрнеме внимание – се зборовите на Ребров.

Пуштени во продажба билетите за Македонија – Украина