Екипата од Флорида стигна до 3:1 во полуфиналето на Источната конференција во НБА плеј-офот откако на домашен терен го совлада Њујорк со 109:101.

По убедливиот триумф против Никс во последниот меч, овојпат Мајами мораше многу повеќе да се помачи за да победи, а тоа му успеа во финишот на мечот, па сега е на чекор до пласман во финалето на Истокот.

Најдобар играч во победничкиот тим повторно беше Џими Батлер, кој постигна 27 поени, со 10 асистенции, а го следеше Бем Адебајо со 23 поени и 13 скока. Одличен беше и Макс Штрус со 16, додека поен помалку додаде Кајл Лаури.

Од друга страна, не беше доволен учинокот на Џејлен Бренсон, кој имаше 32 поени и 11 асистенции.

Петтиот натпревар е закажан за ноќта меѓу среда и четврток, а дуелот започнува од 01.30 часот.

Победникот од оваа серија ќе се сретне со Бостон селтикс или Филаделфија сиксерс во финалето на Источната конференција. Во таа серија моменталниот резултат е 2:2, а следниот меч е закажан во Бостон, в среда наутро, од 01.30 часот.