Во рамките од 26 коло во Премиер лигата денеска на стадионот „Енфилд“ фудбалерите на Ливерпул ја оправдаа фаворитската улога против Лутон (4:1).

Гостите водеа по првото полувреме со погодокот на ирскиот интернационалец Огбене во 12 минута.

Домаќините направија целосен пресврт во вториот дел, најпрвин израмнија со голот на ван Дајк во 56 минута, а само 120 секунди подоцна за 2:1 се погрижи Гакпо.

Во 71 минута Дијаз стрелаше за 3:1 после асистенцијата на Робертсон, а конечниот епилог го постави Елиот (90`).

На табелата „црвените“ се на првата позиција со 60 бодови, четири повеќе од второпласираниот Манчестер сити кој има еден натпревар помалку.

Лутон кој до крајот на сезоната ќе се бори за опстанок во елитата моментно е на 18 позиција со 20 бодови.