Денеска на „Селхурст парк“ составот на Лидс загуби со резултат 4:1 на гостување кај Кристал Палас. Ова е веќе втор пораз по ред за играчите на менаџерот Марсело Биелса вкупно четврти сезонава во Премиер лигата.

Целиот натпревар за гостите го одигра Езџан Алиоски кој наскоро ќе им се врати на обврските со македонската А репрезентација. Во 12 минута после изведен корнер од Езе највисоко скокна Ден кој со глава ја затресе мрежата на францускиот голман Меслие.

Пет минути подоцна еден крајно сомнителен момент, главниот судија поништи автогол на Бамфорд за израмнување поради офсајд. Домаќините ја зголемија предноста благодарение на Езе кој прекрасно стрелаше од слободен удар, а Лидс единствениот погодок го имаше во 27 минута преку Бамфорд после асистенцијата на Клих.

ВИДЕО: Фернандеш ги враќа насмевките, прв гол на Кавани за Јунајтед!

Непосредно пред паузата автогол си постигна Коста, а во второто полувреме трите бода на домаќините ги потврди Ају (по додавањето на Заха) чиј удар не успеа да го блокира Алиоски.

Моментно на табелата клубот од „Иланд роуд“ е на 14 позиција со 10 бода, а после репрезентативните обврски на 22 ноември Лидс ќе го пречека Арсенал.