6 C
Скопје

ВИДЕО: Фернандеш ги враќа насмевките, прв гол на Кавани за Јунајтед!

Денеска во првиот натпревар од саботната програма во осмото коло од Премиер лигата, составот на Манчестер јунајтед триумфираше со 1:3 над Евертон.

Во 19 минута од средбата Бернард донесе водство на „Гудисон парк“ за домаќините, претходно акцијата имаше само две додавања, од Пикфорд кој го пронајде Калверт-Левин, овој со глава само ја продолжи топката до стрелецот.

Повторно Оле Гунар Солскјер беше загрижен на клупата, со оглед на големиот притисок кој се прави од британските медиуми за негов можен отказ, но негативата траеше само шест минути. Шо прекрасно центрираше во казнетиот простор на „карамелите“, а таму највисоко скокна Фернандеш за израмнување на резултатот.

Во 32 минута португалскиот репрезентативец доаѓа и до вториот погодок на мечот, и тоа многу случајно, намерата му беше да асистира до Решфорд за реализација со глава, овој не ја удри, но за среќа на „црвените ѓаволи“ топката заврши во мрежата на Пикфорд.

Прочитајте и...  УЕФА не ја менува одлуката, ЕП ќе се игра во 12 градови низ Европа

Фернандеш беше еден од најзаслужните за враќање на Јунајтед на победничкиот пат, во судиското надополнување (90+5`) во една контра беа решени сите дилеми околу победникот, Португалецот асистираше до Кавани на кој не му беше тешко да го реализираше неговиот прв гол за екипата.

Манчестер јунајтед после седум одиграни мечеви сезонава е на 13 позиција со 10 бода, а Евертон кој имаше добар старт, бележи голем резултатски пад, на последните четири дуели има едно реми и дури три порази по ред за моментно петто место во генералниот пласман со 13 бода.

Поврзани вести

ВИДЕО: Челси го освои „Енфилд“, сите мечеви во Премиер лигата со ист резултат!

Слободен печат

ЛШ: Лазаров во осминафиналето со Кјелце, Митревски против Алборг

Слободен печат

Ракитиќ до Меси: Имам трофеј кој никогаш нема да го освоиш!

Слободен печат

ВИДЕО: ВАР го спаси Мурињо, Евертон во трка за Лига на шампиони!

Слободен печат

Стоилов гневен по поразот: Некои ракометари не разбираат за колку посебен клуб играат

Слободен печат

Алушовски: Добивме лекција од Мешков

Слободен печат

Остави Коментар