ВИДЕО | Лесен оброк за топлото лето: Палачинки од тиквички со растопен кашкавал
На љубителите на солени палачинки ќе им се допадне ова јадење, кое се прави на многу едноставен начин, а бара само неколку состојки. Палачинките од тиквички се многу лесен оброк, па сигурни сме дека често ќе го јадете во топлите летни денови.
Состојки:
– 1 тиквичка
– 3 јајца
– 1 кромид
– 2 чешниња лук
– магдонос, сол
– шолја брашно (од 250 мл)
– листови кашкавал
Подготовка:
Тиквичките и кромидот изрендајте ги на најситно ренде. Ставете ги во сад, па додајте го испасираниот лук, јајцата и зачините, па убаво измешајте. На крајот, измешајте ги со солта и брашното.
На врело масло во тава пржете палачинки. Кога ќе ја потрошите целата смеса, нежно наредете ги палачинките во тавата една врз друга, ставајќи меѓу нив лист кашкавал.
Покријте со капак и оставете на најслаб оган додека кашкавалот не се растопи.