Tимот на Тулуз приреди изненадување и го совлада Ливерпул на домашен терен во рамките од Лигата Европа и така го презеде второто место во групата задржувајќи ги шансите за место во нокаут фазата.

Важеше францускиот тим за аутсајдер, но Ливерпул со комбиниран состав вечерва загуби со 3:2. Тулуз поведе со голот на Донум по 36. минута, а по паузата, Клоп во игра ги внесе Салах, Собослај, Трент…но тоа не помогна.

Со голот на Далинга Тулуз поведе со 2:0. Ливерпул се врати во игра по автоголот на Касерес, меѓутоа Магри се погрижи повторно Французите да имаат два гола предност. Пред крајот на натпреварот Жота постигна гол за 3:3, но по прегледувањето на ВАР голот беше поништен.

Пораз вечерва забележа и Рома на гости кај Славија Прага со 2:0. Двата гола домаќините ги постигнаа во второто полувреме преку Јурецка и Масопуст.

Кризата за Ајакс ја продолжи Брајтон кој на гости во Холандија забележа победа од 0:2. Победата за премиерлигашот ја обезбедија Ансу Фати и Адингра.

Во останатите натпревари ЛАСК го совлада Унион СЖ (3-0), Виљареал беше поуспешен од Макаби Хаифа (2-1), три бода освои и Леверкузен кај Карабах (0-1), Рен го надигра Панатинаикос (3-1), триумфира и Сервет против Шериф Тираспол (2-1).