Фудбалерите на Лацио во Бергамо и без својот најдобар стрелец Чиро Имобиле успеаја да ја совладаат екипата на Аталанта со 2:0 во натпреварот од 11 коло во италијанската Серија А.

Матија Ѕакањи во 10 минута го постигна водечкиот гол за гостите, а конечниот резултат го постави Фелипе Андерсон во 52 минута.

Аталанта во 90 минута остана со еден играч помалку после вториот жолт картон на Луис Муриел.

За римските „небесно-сини“ ова е веќе шести врзан меч во Серија А на кој не примија гол.

На табелата составот на Маурицио Сари е на третата позиција со 24 бодови, а истиот учинок го има и оној на Џан Пјеро Гасперини кој е четвртопласиран.