Ќерката на Мадона, Лурдес Лола Леон, доживеала вистинска непријатност поради доцнењето на ревијата на Марк Џејкобс, поради што не можела да влезе на истата.

Снимката со Лурдес стана вирална на социјалните мрежи. Лурдес, имено, пристигнува на ревијата, но обезбедувањето не ја пушта, поради што со минути чека пред вратата.

Насобраните го убедувале обезбедувањето да ѝ дозволи да влезе на ревијата, а некои дури и скандирале „пуштете ја“ и „не знаете која е таа?“

Интересно е што овој инцидент се случи само две години откако Лурдес беше најавена како заштитно лице на овој бренд.

Инаку, на видеото пишува дека Лурдес дошла на настанот во 18 часот, токму во моментот кога започнало шоуто.

Лурдес на крајот се откажала и заминала, а додека поминувала покрај папараците, главата ја покрила со раката.

Да потсетиме, Лурдес неодамна во интервју за странски медиуми проговори за инцидентот од ноќниот клуб во кој се степала со непозната девојка која ја навредувала нејзината мајка Мадона.

„Јас не сум некој кој не ги почитува луѓето или се однесува арогантно, но ако ме нападнеш грубо, подобро чувај се“, рекла Лурдес.

ФОТО | Ќерката на Мадона со небричени пазуви на Мет Гала: Лурдес Леон е поборник на природниот изглед

Лурдес Леон e заштитно лице на новата модна кампања на Марк Џејкобс