Лурдес Леон e заштитно лице на новата модна кампања на Марк Џејкобс
Лурдес Лола Леон уште еднаш докажа дека го наследила извонредниот стил на нејзината мајка Мадона.
Два месеци откако се појави на рекламата инспирирана од „Y2k“ за „Juicy Couture“, ќерката на Мадона стана заштитно лице на новата пролетна кампања на Марк Џејкобс.
24-годишната танчерка и манекенка, се појави во неколку авангардни изгледи од американскиот моден бренд.
Од фотографиите може да се види дека Лола совршено се вклопува во идејата на брендот, таа позира со новите уникатни акцесоари на Џејкобс, новите „tote bags“, патики, впечатливи градници, накит…
View this post on Instagram
„Марк има долга приказна со Мадона и затоа имаше смисла Лола да биде заштитно лице на кампањата, бидејќи таа совршено го вметнува младиот дух и бескомпромисното чувство за индивидуалност кое е од клучно значење нашиот бренд“, се наведува во соопштението до јавноста.
View this post on Instagram
На фотографиите, Леон е со црвена коса, долги црвени нокти и впечатливи веѓи, додека позира во разноразни парчиња од познатиот бренд.
Ѕвездата ја отелотворува етикетата – која го „слави еклектицизмот и индивидуализираниот пристап кон личниот стил“, прифаќајќи ги авангардните пози.
Таа објави неколку од фотографиите на својот инстаграм-профил заблагодарувајќи му се на Џејкопс се за довербата.