Фудбалерите на Ливерпул дојдоа до трофејот во англискиот Лига куп откако на пенали го совладаа Челси со 11:10 (0:0) во големото финале на стадионот „Вембли“ во Лондон.

Видовме еден доста возбудлив натпревар, победникот го дознавме дури после пенал серијата во која сите прецизни, освен еден.

Дури и резервниот голман на Ливерпул, Келехер го реализираше 21 пенал во низа, а потоа непрецизен беше Кепа Аризабалага, голманот кој Томас Тухел го внесе во игра само за да брани во пенал серијата.

Не успеа да одбрани ниту еден од 11 удари на играчите на Ливерпул, а топката ја испрати високо над голот за крај на лондонската драма.

За „црвените“ од Енфилд ова е деветта титула, најмногу во ова натпреварување, а лондонските „сини“ останаа на пет трофеи, колку што имаат уште Астон Вила и Манчестер јунајтед, а на втората позиција на оваа вечна листа е Манчестер сити со осум титули.