Суперагентот Жорге Мендеш и неговиот клиент Кристијано Роналдо за кого смета дека е најдобар фудбалер во историјата, беа понижени од Антонио Касано.

Поранешниот италијански репрезентативец важи за личност која нема влакна на јазикот и тоа го демонстрира уште еднаш кога зборуваше за Роналдо и неговиот агент Мендеш.

Касано беше гостин во емисија кај уште една легенда на италијанскиот фудбал, Кристијан Виери и иронично ја прокоментира изјавата на Мендеш дека Кристијано Роналдо е најдобриот фудбалер во историјата.

– Да, тој е најдобар во историјата по Наполеон Бонапарта. Доста ми е од Мендеш. Роналдо дури не е ниту петте најдобри фудбалери на сите времиња. Меси, Пеле, Марадона, Кројф и феноменот Роналдо се на други ниво – рече Касано.

Со изборот на Касано донекаде се сложи и Виери, кој имаше само една измена, на местото на Јохан Кројф стави друг Холанѓанец – Марко ван Бастен.

Интересно е што Касано за време на гостувањето во емисијата кај Виери во рацете држеше кукла од Лионел Меси.