Вечерашната програма во рамките на третото коло во италијанската Серија А заврши со натпреварот на „Олимпико“, каде Рома го совлада Сасуоло со 2:1 во самиот финиш од средбата.

Римскиот клуб поведе во 37 минута со голот на Кристанте и таа предност ја чуваа до крајот на полувремето, а треба да се каже дека им беше поништен гол гостите во 27 минута откако Берарди беше во офсајд позиција.

Во продолжение, Сасуоло одигра подобро, израмнувајќи во 57 минута со голот на српскиот репрезентативец Ѓуришиќ, после асистенцијата на Берарди.

Гостите имаа уште неколку шанси за целосен пресврт и победа на овој меч, но тие не ги искористија и беа казнети за тие промашувања кога влегоа во судиското надополнување.

На 15 метри од голот на гостите, Шомуродов го пронајде Ел Шарави, кој со еден извонреден удар откосо од левата страна стрелаше за поставување на конечниот епилог.

José Mourinho celebrating after a 92nd minute winner from El Shaarawy… on his 1000th game as professional manager. 🔴🇵🇹 #Mourinho

1️⃣0️⃣0️⃣0️⃣ games
6️⃣3️⃣9️⃣🥇wins
2️⃣5️⃣🏆 trophiespic.twitter.com/ZQFTUKosEJ

— Fabrizio Romano (@FabrizioRomano) September 12, 2021

Домашната екипа секако го прослави овој гол со своите навивачи, а тренерот на Рома, Жозе Мурињо, за кого ова беше јубилеен 1000 натпревар во кариерата како професионален тренер, истрча на трибината со навивачите и заедно со своите играчи ја прославија победата, вкупно 639 од тие 1000 мечеви.

„Гранде“ Пандев третопласиран по бројот на настапи во италијанската Серија А