Џастин Тимберлејк добил седум килограми на мускулна маса за новата главна улога во филмот „Palmer“. Во тоа му помогнал тренерот на славни личности, Бен Бруно, кој исто така објави видео од теретаната каде Џастин ги изведувал напорните тренинзи.

„Присетувајќи се на минатата година кога Џастин Тимберлејк започнал да тренира за да влезе во форма за потребите на улогата во филмот „Palmer“, неговата цел била да ја зголеми мускулната маса и напорно работел на тоа – понекогаш и двапати на ден“, открил Бруно, кој е одговорен за многу „фит“ тела во Холивуд.

Судејќи според видеото, Тимберлејк морал сериозно да се посвети на тренинзите, а на видеото можеме да видиме како крева 60 килограми тешки тегови, а притоа изразот на неговото лице додека ја прави вежбата кажува сè. Сепак, тој не се предаде и ја изврши задачата во целост.