ВИДЕО: Јувентус ја оправда фаворитската улога против Болоња
Фудбалерите на Јувентус на домашен терен ја надиграа Болоња со 3:0 во натпреварот од осмото коло во Серија А.
Српското дуо Филип Костиќ и Душан Влаховиќ во 24 минута изведа одлична акција во која Костиќ по додавањето на Влаховиќ ја испрати топката во мрежата на Болоња за 1:0.
Тоа беше прв гол на Костиќ во дресот на новиот клуб, на кој пристигна ова лето од германски Ајнтрахт Франкфурт.
Во вториот дел продолжи доминацијата на домашните играчи, а во 59 минута меѓу стрелците за 2:0 се запиша Влаховиќ и практично обезбеди победа за „Старата дама“.
Конечниот резултат го постави полскиот интернационалец Аркадиуш Милик со голот во 62 минута, па така клубот од Торино се задржа на седмата позиција на табелата.
Серија А – 8 коло:
Сабота:
Наполи – Торино 3:1 (3:1)
Интер – Рома 1:2 (1:1)
Емполи – Милан 1:3 (0:0)
Недела:
Лацио – Специја 4:0 (2:0)
Лече – Кремонезе 1:1 (1:1)
Сампдорија – Монца 0:3 (0:1)
Сасуоло – Салернитана 5:0 (2:0)
Аталанта – Фиорентина 1:0 (0:0)
Јувентус – Болоња 3:0 (1:0)
Понеделник:
20.45 часот Верона – Удинезе