ВИДЕО: Јуве „два од два“, се повреди Дибала, првенец за Локатели
Фудбалерите на Јувентус го совладаа тимот на Сампдорија на својот стадион со резултат 3:1 (2:1) во шестото коло од Серија А.
Мечот го обележа Пауло Дибала, иако на теренот мина само 21 минута. Аргентинецот искористи убава асистенција од Локателија во 10-та минута и од 18 метри стрелаше во аголот за 1:0.
Аргентинецот во 21 минута мораше да го напушти теренот поради повреда на мускулот, а во солзи и со аплауз од навивачите, го напушти теренот, а негова замена беше Кулушевски.
Јувентус го постигна вториот гол во 43 минута, Муру играше со рака во шеснаесетникот, а судијата покажа на белата точка. Леонардо Бонучи беше сигурен изведувач на најстрогата казна.
FT | ⌛️ | SUNDAY LUNCH SORTED! 👌#JuveSamp #FinoAllaFine #ForzaJuve pic.twitter.com/hLgDlVNwb1
— JuventusFC (@juventusfcen) September 26, 2021
Сампдорија постигна гол само една минута подоцна. По акцијата од корнер, Кандрева центрираше, а Јошида со глава го совлада Перин за 2:1. Конечниот епилог го постави Локатели го постигна својот прв гол во торинскиот дрес.
Во финишот, гостите успеаја само да го ублажат својот трет пораз сезонава во Серија А преку Кандрева во 83 минута. „Старата дама“ после слабиот старт во шампионатот, ги враќа насмевките кај своите навивачи и сега има осум бода на деветтот место, додека Сампдорија е на 14 позиција со пет бодови.