ВИДЕО: Јанис блескаше против Вориорси, Оклахома го надигра и Орландо за „4 од 4“ во НБА лигата
Милвоки во дербито на вечерта во НБА лигата ја совлада екипата на Голден Стејт со резултат 129:118. Најефикасен во редовите на Бакси беше Јанис Адетокунбо беше најдобар со 33 поени, следен од Демиен Лилард кој запиша 27, додека „дабл-дабл“ учинок оствари Крис Мидлтон со 24 поени и 10 скокови.
На спротивната страна во чии редови не беше првата ѕвезда Стеф Кари се истакна Џонатан Куминга со 28 поени.
Милвоки е второпласиран во Источната конференција (27-12), додека Голден Стејт е на 12 позиција (18-21) на Западот.
Оклахома ја забележа и 27 победа, четврта по ред, откако со 112:100 триумфираше над Орландо најмногу благодарение на Канаѓанецот Шеј Гилџес-Александер со 37 поени, шест скокови и седум асистенции.
За Орландо прв стрелец беше Паоло Банкеро со 20 поени, девет скокови и осум асистенции. Оклахома е првопласирана во Западната конференција (27-11), додека Орландо е на осмата позиција на Истокот (21-18).
НБА лига, резултати –
Бостон – Хјустон 145:113
Атланта – Вашингтон 99:127
Мемфис – Њујорк 94:106
Милвоки – Голден Стејт 129:118
Оклахома – Орландо 112:100
Далас – Њу Орлеанс 108:118
Сан Антонио – Чикаго 116:122
Јута – ЛА Лејкерс 132:125