ВИДЕО: Атлетико Мадрид го задржува местото кое води во Лигата на шампионите
Фудбалерите на Атлетико Мадрид го совладаа Атлетик Билбао со резултат 3:1 во 33 коло од „Ла Лига“.
„Јорганџиите“ подобро го започнаа натпреварот, поведоа во 15 минута, кога погоди Родриго де Пол. Непосредно пред паузата, Нико Вилијамс израмни за тимот од Баскија.
Веќе на стартот од вториот дел од играта се забележаа нови возбудувања. Коке беше во улога на асистент, а Анхел Кореја ја внесе топката во мрежата, за ново водство на домашните.
Играчите на Симеоне продолжија да напаѓаат, што резултираше со уште еден гол во 80 минута, кога Унаи Симон си постигна автогол и со тоа го постави конечниот епилог.
Мадриѓаните останаа сигурни на четвртото место со 64 бодови, додека Атлетик Билбао е петтопласиран со шест бодови помалку.